ARKU-DANTZA

Hiruko konpasean dagoen melodia honek bi esaldi ditu, bigarrena lehenaren aldaera. Beraz, egitura soila du, nahiz eta interpretazioa konplikatuagoa izan, erritmoaren abiadura eta noten arteko interbaloak direla-eta.

 

Erabilitako tresna: arkua
Doinua Madrilgo Chinchón hiriari buruzko erreportaia batetik atera genuen: TVE-ren 2. katean  Eduardo Delgadok zuzendutako "Los Pueblos, España a ras de tierra" programan eman zuten. Telesailak bere irudiak aintzineko musikarekin laguntzeko oihitura zuen eta doinu honek arreta deitu zigun. Hori da musika horri buruz jakin ahal izan dugun guztia.

Danzanteak sigi-saga dabiltza arkuen bidez elkarri loturik

http://www.flickr.com/photos/kezka/2589117499/

Izenak dioen moduan, dantza hau arkuekin dantzatzen da. Danzanteak bi errenkada paralelotan paratzen dira, bakoitza bere arkua atxikiz, eta Boboa dago bi lerroen buru. Arkuak elkarren artean kolpatzen dituzte eta gero danzanteek lerro bakarra eratzen dute arkuen bidez elkar lotuz, Boboak zuzendurik, lehena baitoa.  Danzante lerroak gurutzaketak eta bihurriketak burutzen ditu. Momenturik hunkigarriena, lerroaren buruan doan Boboa emeki-emeki zortzi danzanteek inguratzen dutenean ailegatzen da: kaiola modukoa sortzen da eta gero hartatik libratu beharko du.

Kaiolan danzanteek Boboa inguratzen dute

http://www.flickr.com/photos